Kousatiewe deiktiese werkwoorde in Afrikaans: Laat kom en stuur

Abstract

Die werkwoorde of werkwoordelike uitdrukkings laat kom en stuurword ondersoek. Kousatiewe deiktiese werkwoorde vorm vier kategorieë: die werkwoorde met die betekenis ‘laat kom’ plus die deiktiese komponent [+be-geleiding], byvoorbeeld bring; die werkwoorde met die betekenis ‘laat kom’ plus die deiktiese komponent [-be-geleiding], byvoorbeeld ontbied; die werkwoorde met die betekenis ‘laat gaan’ plus die deiktiese komponent [+begeleiding], byvoorbeeld neem, die werkwoorde met die betekenis ‘laat gaan’ plus die deiktiese komponent [-begeleiding], byvoorbeeld stuur. Die verhouding tussen die deiktiese uitdrukkings laat kom en stuur, die werkwoorde bring en neem en die nie-kousatiewe werkwoorde kom en gaan word aangespreek, onder andere met verwysing na die deiktiese sentrum van elke werkwoord, die verband tussen deiktiese struktuur en sintak-ties-semantiese struktuur en die leksikalisering van die waarde [begeleiding] (byvoorbeeld in die leksikale item saam). Die gebruik van kousatiewe deiktiese werkwoorde om toestandsverandering aan te dui, word ook ondersoek.