Vir beter begrip vir die virkonstruksie in Fiela se kind en vir die indirekte voorwerp

Abstract

In hierdie artikel word aangetoon dat die voorsetsel VIR verskillende rolle markeer, onder andere ook die Indirekte Voorwerp. Binne die taalvariasieteorie word voorsiening gemaak vir registervariante. Die Indirekte Voorwerp sonder die voorsetsel hoort tuis in 'n deftiger register, terwyl die Indirekte Voorwerp met die voorsetsel in geselstrant voorkom. Die voorkoms van die Indirekte Voorwerp met en sonder 'n voorsetsel word ook as variante markeringskonstruksies beskou. Hierdie variante word veral gebruik om stilistiese redes asook om semantiese meerduidigheid te voorkom.