DIE KLANKSISTEEM VAN VANDERMERWEAFRIKAANS

Abstract

In hierdie artikel word die hipotese dat Vandermerwe-Afrikaans, wat tans nog in die noorde van Kaokoland (Namibië/Suidwes-Afrika) gepraat word, wat betref die klanksisteem daarvan 'n chronolek van moderne Afrikaans is. Dit kom daarop neer dat hulle vandag nog die Afrikaans van ruim 'n eeu gelede gebruik, of, anders gestel, dat hulle Afrikaans wat die klankstelsel daarvan betref nie noemenswaardig verander het nie. As dit so sou wees, beteken dit dat ons 'n skat van ou gesproke Afrikaans in die vorm van bandopnames tot ons beskikking het.