OOR GESPREKSTRATEGIEë IN AFRIKAANS

Abstract

Binne die taalhandelingsteorie word daar hoofsaaklik aan taalhandelinge as afsonderlike en afgeronde entiteite gewerk. Kyk mens egter wyer as die verskillende taalhandelinge, besef jy dat mense binne gesprekke bepaalde handelinge uitvoer met die oog op die bereiking van sekere resultate. Verskillende sulke (taa1)handelinge kan aangewend word vir die bereiking van 'n resultaat. Die wyse waarop hierdie handelinge aangewend word met 'n bepaalde resultaat vir die spreker voor oë, kan beskou word as 'n gesprekstrategie.