Lehu le bophelo thetokanegelong ya Matome N. Fela, Sebilwane

Abstract

Nepo ya athikele ye ke go bonagatša bohlokwa bja setšo bja lehu le bophelo Basothong ba Afrika Borwa, kudukudu Basotho ba Leboa. Mohlala wo o tsopotšwego tsinkelong ye, o tšwa thetokanegelong ya Fela, Sebilwane, yeo e gatišitšwego ka 1961. Sebilwane ke thetokanegelo ya bobedi—e latela Leduleputswa ya Mamogobo (1953) mo Sesothong sa Leboa. Thetokanegelo ye e ka hlathollwa bjalo ka seretotshwantšho, seo gape se ka lebeledišišwago bokalehlologelwa.